Almaniyanın keçmiş kansleri Angela Merkel milyarder İlon Maska ABŞ-ın yeni seçilmiş Prezidenti Donald Tramp hökumətində yer verilməsindən narahat olub.
Globalinfo.az xəbər verir ki, bunu Merkel “Der Şpiqel”ə müsahibəsində deyib.
O bildirib ki, siyasət gərək nüfuzlu şəxslərlə adi vətəndaşlar arasında sosial balans müəyyən etsin:
“Əgər bu son instansiyaya korporasiyalar güclü təsir göstərirsə, o zaman kapital və texnoloji imkanlar bizim hamımız üçün çağırışa çevrilir. Mask kimi adam kosmosdakı bütün peyklərin 60%-nə sahibdirsə, o zaman bu siyasi məsələ kimi hamımızı fövqəladə narahat etməlidir”.
Bununla belə o, “Donald Tramp, yoxsa İlon Mask daha təhlükəlidir?”, – sualına cavab verməkdən imtina edib.
Əliyar Xəlil
Globalinfo.az
