Rusiya Federasiyası Təhlükəsizlik Şurasının sədr müavini Dmitri Medvedevin oğlu İlya Medvedyev Avropa İttifaqının 12-ci anti-Rusiya sanksiyaları paketi çərçivəsində məhdudiyyətlərə məruz qalan şəxslər siyahısına daxil edilib.
Globalinfo.az “Qafqazinfo”-ya istinadən xəbər verir ki, bu barədə Aİ-nin rəsmi jurnalında dərc olunan sənəddə qeyd olunub.
Sənəddə qeyd edildiyi kimi, Təhlükəsizlik Şurası sədrinin müavininin oğlu “DXR”, “LPR”, Xerson və Zaporojye vilayətlərində rəqəmsal xidmətlərin göstərilməsini təşkil edir. Aİ hesab edir ki, bununla da “Ukraynanın ərazi bütövlüyünü, suverenliyini və müstəqilliyini pozan və təhdid edən hərəkətləri və siyasəti” dəstəkləyir.
Qeyd edək ki, Aİ-nin 12-ci anti-Rusiya sanksiyaları paketi daxilindəki siyahıya 86 təşkilat və 61 fiziki şəxs daxil olmaqla ümumilikdə 147 şəxs daxildir.
