Bu gün Oval Ofisdə qəhrəman və qorxaq görüşdü. Görüş bitəndən sonra isə qəhrəman evinə – Ukraynaya qayıdacaq.
Globalinfo.az xəbər verir ki, bunu Kaliforniyadan olan senator Adam Şiff Tramp və Zelenski görüşündən sonra sosial mediada paylaşımında qeyd edib.
Şiffdən başqa, daha bir neçə lider və siyasətçi Ukraynaya, eləcə də Zelenskiyə dəstəyini nümayiş etdirib.
“Bir var Rusiya kimi aqressor, bir də var Ukrayna xalqı kimi aqressiyaya məruz qalan. Biz ta əvvəldən övladları, təhlükəsizliyi və Avropanın müdafiəsi üçün mübarizə aparanlara hörmət etməliyik”, – Fransa Prezidenti Emmanuel Makron deyib.
Polşanın Baş naziri Donald Tusk, İspaniya Hökumətinin Sədri Pedro Sançez, Almaniyanın yeni seçilən kansleri Fridrix Mertsin müavini İohann Vadepul da sosial media hesablarında Zelenski ilə həmrəy olduqlarını bildiriblər.
Aysel Əliyeva
Globalinfo.az
