Lənkəranda yandırılmış vəziyyətdə tapılan meyitin kimliyi məlum olub
Daxili İşlər Nazirliyinin (DİN) Mətbuat Xidmətindən Globalinfo.az-a bildirilib ki, polis və prokurorluq əməkdaşlarının birgə keçirdikləri tədbirlər nəticəsində meyiti aşkar olunmuş şəxsin Lənkəran şəhər sakini, 1970-ci il təvəllüdlü Əli Eldar oğlu Cahangirov olduğu müəyyən edilib.
Hazırda faktla bağlı istintaq-əməliyyat tədbirləri davam etdirlir.
***
Lənkəran rayonunda meyit tapılıb.
Globalinfo.az-ın Report-a istinadən məlumatına görə, Lənkəran rayonunun “Kiçik bazar” deyilən ərazisində yandırılmış vəziyyətdə olan meyit aşkarlanıb.
Hazırda rayonun hüquq-mühafizə orqanlarının əməkdaşları hadisə yerindədirlər.
Meyitin kimə məxsus olması və hadisənin hansı zəmində baş verdiyi araşdırılır.
