İstifadəyə yararsız elektrik batareyalarının çeşidlənməsi və xüsusi şəraitdə zərərsizləşdirilməsi məqsədilə Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi çərçivəsində növbəti dəfə işlənmiş batareyalar təhvil götürülüb.
Globalinfo.az bildirir ki, ekokönüllülər tərəfindən “Araz” supermarketlər şəbəkəsinin Yasamal rayonu, “Bravo” supermarketlər şəbəkəsinin Gənclik Mall, 28 Mall və Koroğlu hipermarket filiallarından ümumilikdə 74 kq işlənmiş batareya toplanaraq “Tullantıları İdarəetmə Mərkəzi” MMC-yə təhvil verilib.
Nazirlik layihəyə dəstək verən bütün tərəfdaşlara və vətəndaşlara təşəkkür edir.
