Bir neçə ölkənin vətəndaşları Moskva yaxınlığındakı “Krokus Sity Holl”da terror aktının təşkilində iştirak edib və digərləri ilə yanaşı kriptovalyutadan istifadə edərək onu maliyyələşdiriblər.
Globalinfo.az oxu.az-a istinadən bildirir ki, bu barədə “Rosfinmonitorinq”in (Rusiyada Maliyyə Monitorinqi üzrə Federal Xidmət) rəhbəri Yuri Çixançin məlumat verib.
“İstintaq tədbirləri hələ başa çatmayıb, lakin ilkin nəticələr göstərir ki, terror aktının təşkilində bir sıra ölkənin vətəndaşları iştirak ediblər və terror aktının maliyyələşdirilməsi müxtəlif vasitələrlə, o cümlədən kriptovalyutadan istifadə etməklə həyata keçirilib”, – deyə qeyd olunub.
Bundan əvvəl “Rosfinmonitorinq”in rəhbəri qeyd edib ki, bir çox ölkə “Krokus”da terror aktının araşdırılmasında Rusiyaya kömək etməyə hazırdır, çünki onlar terrorizmin bir fenomen kimi inkişafının qarşısını almaqda maraqlıdırlar.
