Təl-Əvivin tam mərkəzində, kriminal avtoritetlərin sifarişlə öldürülməsinə hazırlaşdıqları iddia edilən 20-30 yaşlarında olan dörd şübhəlinin saxlanılması üçün əməliyyat keçirilib.
Globalinfo.az lent.az-a istinadən bildirir ki, həbslər zamanı əməliyyatçılar iki motosiklet və üç nəqliyyat vasitəsini müsadirə ediblər. İlkin məlumatlara görə, avtomobillərdə saxta dövlət nömrə nişanları olub. Şübhəlilərdən birinə məxsus mənzildə “Glock” markalı tapança və içərisində sursat olan patron aşkar edilib.
Hazırda saxlanılan şəxslər dindirilmək üçün aparılıb, istintaq zamanı onların şübhəli cinayətdə iştirakının təfərrüatlarının müəyyən edilməsi planlaşdırılır. Bu hadisə ilə bağlı istintaq davam edir.
