“Kəpəz” “Sumqayıt”ı məğlub etdi

Azərbaycan Premyer Liqasında XXV tura start verilib.

Globalinfo.az xəbər verir ki, günün yeganə qarşılaşmasında “Sumqayıt” doğma meydanda “Kəpəz”i qəbul edib.

Mehdi Hüseynzadə adına stadionda Gəncə təmsilçisi gözlənilmədən ikinci pillədəki rəqibini 3:1 hesabı ilə məğlub edib. Qonaqların heyətində 20-ci dəqiqədə Vüsal Məsimov, 62-ci dəqiqədə Mate Kvirkviya, 90+5-ci dəqiqədə isə Rüfət Əhmədov fərqlənib. “Gənclik şəhəri” təmsilçisinin təsəlli qoluna 80-ci dəqiqədə İsa Suliman imza atıb.

Bu nəticədən sonra Sumqayıt təmsilçisi 36 xalla 2-ci, “Kəpəz” isə 26 xalla 9-cu pillədə qərarlaşıb.

Qeyd edək ki, turun digər qarşılaşmaları martın 2-də və 3-də keçiriləcək.