ABŞ müdafiə nazirinin siyasi məsələlər üzrə müavini Kolin Kahl ilə Ermənistan müdafiə naziri Suren papikyan arasında telefon danışığı olub.
Globalinfo.az xəbər verir ki, bu barədə Ermənistan MN məlumat yayıb.
Bildirilib ki, Ermənistan-Azərbaycan sərhədi və regional təhlükəsizliklə bağlı bir sıra məsələlər müzakirə edilib.
Müdafiə naziri Suren Papikyanın 2022-ci ilin sentyabr ayında ABŞ-a işgüzar səfəri zamanı Kahl ilə aparılmış müzakirələr nəticəsində Ermənistan-Amerika müdafiə əməkdaşlığının inkişafı ilə bağlı əldə olunan razılaşmaların gedişi barədə məlumat verib.
Qeyd edək ki, Kolin Kahl bundan öncə Azərbaycan müdafiə naziri Zakir Həsənovla telefon danışığı aparıb.
