Türkiyənin İstanbul şəhərində İstiqlal küçəsində partlayış baş verib.
Globalinfo.az xəbər verir ki, əraziyə çoxlu sayda polis göndərilib.
İlkin məlumata görə, partlayışda 5 nəfər ölüb, 36 nəfər yaralanıb.
Partlayışı canlı bombanın həyata keçirdiyi iddia edilir.
***
İstanbulda baş verən partlayışda ilkin məlumatlara əsasən 4 nəfər ölüb.
Bu barədə İstanbul valisi Ali Yerlikaya məlumat verib.
O qeyd edib ki, İstiklal küçəsində baş verən partlayışda ilkin olaraq 4 nəfər ölüb, 38 nəfər xəsarət alıb:
“Hazırda hadisə yerində araşdırmalar aparılır”.
***
Türkiyənin İstanbul şəhərinin Bəyoğlu məhəlləsi, İstiqlal küçəsində baş verən partlayış nəticəsində ölənlərin sayı 6 nəfərə, yaralıların sayı 53-ə çatıb.
Bu barədə İstanbul valisi Ali Yerlikaya məlumat verib.
“Təəssüf ki, İstiqlal küçəsində baş verən partlayış zamanı öllənlərin sayı 6 nəfərə, yaralıların sayı 53-ə çatdı. Həyatını itirənlərə Allahdan rəhmət, yaralılara tezliklə sağalmalarını diləyirik”, – o tviter hesabında yazıb.
***
Türkiyənin İstanbul şəhərinin mərkəzində yerləşən “Taksim” meydanında baş verən partlayış nəticəsində yaralananların sayı 81 nəfərə çatıb.
Globalinfo.az xəbər verir ki, bu barədə Türkiyənin vitse-prezidenti Fuat Oktay bildirib.
“Hazırda 4-ü hadisə yerində olmaqla 6 nəfəri itirmişik. 81 yaralımız var. Hadisə yerinin təhqiqatı tam sürətlə davam edir”, – deyə F.Oktay bildirib.