Nadir oyuncaqlar, qadcetlər və geeks üçün digər kolleksiyalar üzrə ixtisaslaşan ABŞ-dakı “LCG Auctions”da 2007-ci ilin orijinal “iPhone”u bu günə qədər ən yüksək qiymətə satılıb – 158 644 dollar.
Açılmamış orijinal “iPhone”un belə yüksək qiyməti onun nadir modifikasiyası ilə bağlıdır – onun daxili yaddaşı 8 GB deyil, 4 GB-dır. “LCG Auctions”ın təsisçisi Mark Montero deyib ki, ilk 4GB “iPhone”lar auksionlarda 8GB versiyalarından təxminən 20% daha nadirdir.
“MyDrivers”ə görə, 2007-ci ilin 4GB “iPhone”ları çox nadir hala gəlib, çünki “Apple” onların istehsalını tez bir zamanda dayandırıb. Bu qərar, buraxılışda alıcıların əksəriyyətinin 8 GB versiyasını seçməsi ilə əlaqədar qəbul edilib.
İstənilən formada qutusuz orijinal “iPhone”lar çox qiymətli kolleksiyadır, baxmayaraq ki, “MyDrivers”ə görə, hərracda satış zamanı smartfonların bəzilərini artıq açmaq olmur və tamamilə yararsızdırlar.
