İcra başçısının birinci müavini nöqsanlara görə işdən çıxarıldı

Masallı Rayon İcra Hakimiyyəti (RİH) başçısının birinci müavini vəzifəsindən azad edilib.

Globalinfo.az bildirir ki, “Report”un Cənub Mərkəzinin verdiyi məlumata görə, bununla bağlı icra başçısı Şahin Məmmədov müvafiq sərəncam imzalayıb.

Sərəncama əsasən, Hüseynov Məmmədhüseyn Rizvan oğlu vəzifənin icrası zamanı yol verdiyi nöqsanlara görə icra başçısının birinci müavini vəzifəsindən azad edilib.

Qeyd edək ki, M.Hüseynov 2020-ci ilin sentyabrın 3-dən bu vəzifədə çalışırdı.