Coan Roulinqin məşhur “Harri Potter” fentezi seriyasının televiziya adaptasiyası üçün ilk mövsüm – “Harri Potter və fəlsəfə daşı” – üzrə əsas aktyor heyətinin siyahısı genişləndirilib.
Globalinfo.az xəbər verir ki, bu barədə “The Hollywood Reporter” məlumat yayıb.
Layihə çərçivəsində doqquz yeni aktyorun rolları açıqlanıb.
Ketrin Parkinson – Molli Vizli
Lox Pratt – Drako Malfoy
Conni Flinn – Lusius Malfoy
Leo Earley – Şeymas Finnigan
Alessia Leoni – Parvati Patil
Sienna Moosah – Lavanda Braun
Bel Pouli – Petunya Dörsli
Daniel Riqbi – Vernin Dörsli
Bertie Karvel – Kornelius Fac
Serialda obrazların kitablardakı yaşlarına daha uyğun təsvir olunması məqsədilə Petunya və Vernin Dörslinin yeni versiyaları əvvəlki filmlərlə müqayisədə daha gənc görünür. Xatırladaq ki, bu rolları daha əvvəl Riçard Qriffits və Fiona Şou canlandırmışdı. Kitabda hadisələr başladıqda bu obrazlar cəmi 30-35 yaşlarındadır.
Xatırladaq ki, bundan əvvəl isə aşağıdakı məşhur aktyorların rolları elan edilmişdi:
Con Litqou – Albus Dambldor
Canet MakTir – Minerva MakQonaqal
Paapa Essiedu – Severus Sneyp
Nik Frost – Rubius Haqrid
Lük Tallon – Kvirinus Kvirrel
Pol Uaythaus – Arqus Filç
Uşaqların əsas üçlüyü də artıq bəllidir:
Dominik MakLoflin – Harri Potter
Arabella Stanton – Hermiona Qreyncer
Alastair Stout – Ron Vizli
Qeyd edək ki, “HBO”nun açıqlamasına görə, yeddicildlik romanın hər cildi bir mövsüm olmaqla tam şəkildə ekranlaşdırılacaq.
“Serial sevilən kitab seriyasına sadiq qalaraq hərtərəfli və detallı şəkildə ekranlaşdırılacaq. Layihə “Max” platformasında yayımlanacaq”, – açıqlamada bildirilir.
Serialın rejissoru Mark Mayloddur.
Aysel Əliyeva
Globalinfo.az
