Tbilisi Şəhər Məhkəməsi Gürcüstanın sabiq prezidenti Mixail Saakaşvilinin yaratdığı “Birləşmiş Milli Hərəkat” partiyasının keçmiş sədri Levana Xabeişvili üçün həbs qərarı çıxarıb.
Globalinfo.az xəbər verir ki, bu barədə “Rustavi 2” telekanalı məlumat yayıb.
Xabeişviliyə hüquq-mühafizə orqanlarına rüşvət təklifi etmək və hakimiyyəti devirməyə çağırışlar etmək ittihamı irəli sürülüb. Prokurorluq həbsin tətbiq edilməsini tələb edib, vəkillər isə müxtəlif alternativ tədbirlər – girov müqabilində azadlıq, elektron bilərzik, ev həbsini təklif edib.
Xabeişvili 11 sentyabr tarixində həbs olunub. Başlanğıcda ona polis əməkdaşlarına rüşvət təklif etmək ittihamı irəli sürülmüşdü.
Prokurorluğun iddiasına görə, keçmiş partiya sədri vəzifəsini yerinə yetirməkdən imtina edən polislərə, o cümlədən gizli məlumatları təqdim edənlərə 200 min dollar təklif etmişdi. Daha sonra ona hakimiyyəti devirməyə çağırışlar etmək ittihamı da əlavə olunub.
Xabeişvili əvvəllər dəfələrlə bildirib ki, ölkədə 4 oktyabrda – bələdiyyə seçkilərinin keçiriləcəyi gün “sülh yolu ilə hakimiyyəti devirmək” planlaşdırılır. O, həmin gün Tbilisi mərkəzində toplaşaraq hakimiyyəti geri çəkilməyə məcbur etməyə çağırıb.
Aysel Əliyeva
Globalinfo.az
