ABŞ-də dayandırılmış “Green Card” lotereyası üzrə qeydiyyat prosesinin oktyabrın 18-dək bərpa edilməsi barədə məhkəmə qərarı çıxarılıb.
Globalinfo.az TASS-a istinadən xəbər verir ki, müvafiq qərarı Kaliforniyanın Cənub Dairəsi üzrə federal məhkəməsi qəbul edib.
Qərara əsasən, ABŞ dövlət katibi Marko Rubio 2027-ci maliyyə ili üzrə müxtəlif ölkələrin vətəndaşları üçün nəzərdə tutulan immiqrant viza proqramına qeydiyyatı ABŞ-ın Şərq sahili vaxtı ilə oktyabrın 18-də gecə yarısınadək başlatmalıdır. Sənəddə qeydiyyat müddətinin 30 gün davam etməli olduğu da göstərilib.
Məhkəmə, həmçinin ABŞ Dövlət Departamentinə qeydiyyatın başlanma tarixi barədə rəsmi internet səhifəsində geniş ictimaiyyətə məlumat verməyi tapşırıb.
