Fransanın keçmiş yüksək rütbəli hərbi rəsmisi, general Mişel Yakovleff Hörmüz boğazında gəmiçiliyin təhlükəsizliyini təmin etmək məqsədilə beynəlxalq qüvvələrə qoşulmaq ideyasını sərt şəkildə tənqid edib.
Globalinfo.az-ın məlumatına görə, LCI kanalına açıqlamasında o, vəziyyəti kəskin bənzətmə ilə təsvir edib. Yakovleff bildirib ki, bu təşəbbüs, sanki Titanik aysberqlə toqquşduqdan sonra həmin gəmi üçün hələ də bilet satmağa çalışmaq kimidir.
Generalın sözlərinə görə, hazırkı mərhələdə belə strategiyalar uğursuzluğa məhkumdur və onları dəstəkləmək mənasızdır.
“Titanikin kapitanı gəmi artıq aysberqə çırpıldıqdan sonra belə sanki rəqs etmək istəyənlərə ucuz bilet təklif edirmiş kimi görünürdü”, – o, məcazi ifadə ilə qeyd edib.
Yakovleff həmçinin vurğulayıb ki, bəzi hərbi yanaşmalar, o cümlədən Amerika Hərbi Kolleci kimi qurumlarda öyrədilən müəyyən taktiki modellər uğursuz qərarların daha da dərinləşməsinə səbəb olur.
O, yekunda bildirib ki, Hörmüz boğazını qorumaq üçün koalisiya yaratmaq cəhdləri artıq gecikib və bu addımların real nəticə verməsi ehtimalı olduqca aşağıdır.
Tahir Turan
Globalinfo.az
Həmçinin oxuyun
