“Prezident İlham Əliyevin Bakıda keçirilən Birləşmiş Millətlər Təşkilatının Ümumdünya Şəhərsalma Forumunun açılışındakı güclü çıxışı, Azərbaycanı müasir, sürətlə inkişaf edən Avrasiya dövləti kimi təqdim edərək Bakının tarixi irs və müasir şəhərsalma arasında harmoniyanın simvolu olduğunu vurğuladı”.
Bunu Globalinfo.az-a açıqlamasında Britaniyalı politoloq Neil Vatson deyib:
“Prezident İlham Əliyev Azərbaycanın artan beynəlxalq nüfuzunu önə çəkərək, WUF13-ün 2024-cü ildə keçirilən COP29-dan bəri ölkənin ev sahibliyi etdiyi ən böyük qlobal tədbir olduğunu qeyd etdi. O, planlaşdırma və memarlığın, o cümlədən 2026-cı ilin “Şəhərsalma və Memarlıq İli” elan edilməsinin milli prioritetlər olduğunu bildirdi. Qeyd etdi ki, İçərişəhərin qorunması və bərpası ilə müasir inkişaf arasında tarazlığa nail olunub.
O, xüsusən də azad edilmiş ərazilərdə BMT-nin Məskunlaşma Proqramı (UN-Habitat) ilə əməkdaşlığın səviyyəsini şərh etdi. Davamlı şəhərsalmanın təkcə infrastrukturla deyil, həm də milli kimliklə, sabitliklə və uzunmüddətli planlaşdırma ilə əlaqəli olduğunu bildirdi”.
Neil Vatson
Britaniyalı ekspertin sözlərinə görə, çıxış beynəlxalq auditoriya üçün diqqətlə hazırlanmış, yumşaq güc, milli brendinq və geosiyasi mesajları özündə birləşdirirdi:
“Prezident İlham Əliyev Azərbaycanı sadəcə enerji istehsal edən bir dövlət kimi deyil, həm də özünü diplomatiya, modernləşdirmə, infrastruktur və beynəlxalq dialoq üçün regional mərkəz kimi mövqeləndirməyə çalışan bir ölkə kimi təqdim etdi. O, həmçinin, azad edilmiş ərazilərin mənşəyini vurğulayaraq, 2020-ci ilin noyabr ayından bəri aparılan tikinti və yenidənqurma işlərindən bəhs etdi.
Çıxış ideoloji olmaqdan çox praqmatik idi, mücərrəd ritorikadan daha çox sabitliyə, inkişafa, modernləşməyə və beynəlxalq əməkdaşlığa yönəlmişdi. Bu, etimadı, dövlətin davamlılığını əks etdirir və idarə olunan modernləşmə imicini yaradırdı”.
Gülnar Səlimova
Globalinfo.az
İstanbul
Həmçinin oxuyun
