Misir Prezidenti Əbdülfəttah əs-Sisinin Azərbaycana səfərinin tarixi bilinib.
Globalinfo.az-ın məlumatına görə, Misirin Azərbaycandakı səfirliyindən APA-nın sorğusuna cavab olaraq bildirilib ki, Misir lideri regiona səfəri çərçivəsində ilk olaraq 27-28 yanvar tarixlərində Azərbaycana gələcək.
Diqqətə çatdırılıb ki, bu Misir dövlət başçısı Əbdülfəttah əs-Sisinin Azərbaycana ilk səfəri olacaq.
O, Azərbaycana səfərini yekunlaşdırdıqdan sonra Ermənistana yola düşəcək.
Qeyd edək ki, Misir Prezidenti hazırda Hindistanda səfərdədir.
Xatırladaq ki, bu gün Ermənistan Prezident Aparatı Misir liderinin yaxın günlərdə Ermənistana, eyni zamanda, Azərbaycana səfər edəcəyini açıqlasa da, konkret tarixi göstərməmişdi.
***12:13
Yaxın günlərdə Misir Prezidenti Əbdülfəttah əs-Sisi Ermənistana səfər edəcək.
Globalinfo.az APA-ya istinadən xəbər verir ki, bu barədə məlumatı “Armenpress”ə Ermənistan Prezident Aparatının rəsmisi Aqasi Marqaryan təsdiqləyib.
“Yaxın günlərdə Əbdülfəttah əs-Sisi regiona səfəri çərçivəsində Ermənistana gələcək”, – o əlavə edib.
Misir lideri səfəri zamanı Ermənistan Prezidenti ilə görüşəcək.
Əbdülfəttah əs-Sisinin Ermənistandan sonra Azərbaycana gələcəyi bildirilib.
