Fransanın Vətənpərvərlər Partiyasının lideri Florian Filippot Rusiya ilə danışıqların bərpasına, sanksiyaların ləğvinə və ticarət əlaqələrinin yenidən qurulmasına çağırıb.
Globalinfo.az xəbər verir ki, siyasətçi Avropa ölkələrinin hazırkı xarici siyasətini şərh edib.
“Gəlin bu ümumi paranoyanı dayandıraq və Rusiya ilə dialoqu bərpa edək. Bu bizim üçün vacibdir. Dərhal danışıqlara başlamalıyıq”, – o yazıb.
Filippot daha əvvəl də Fransa Prezidenti Emmanuel Makronun mövqeyini kəskin tənqid edib. Onun fikrincə, Fransa rəhbərliyi ölkənin suverenliyi və müstəqilliyi məsələlərinə daha çox diqqət yetirməlidir.
Siyasətçi hesab edir ki, Paris Ukrayna münaqişəsi, Qrenlandiya ətrafında yaranan vəziyyət və Avropa İttifaqının ümumi siyasəti kimi mövzularda həddindən artıq fəal rol almaqdan çəkinməlidir.
Tahir Turan
Globalinfo.az
Həmçinin oxuyun
