Xorvatiya millisi Qətərdə keçirilən dünya çempionatında 1/8 finala vəsiqə qazanıb.
F qrupunun III turunda Belçika ilə qolsuz heç-heçə edən Zlatko Daliçin rəhbərlik etdiyi kollektiv xallarını 5-ə çatdıraraq ikinci yerin sahibi kimi növbəti mərhələyə adlayıb.
4 xalı olan “qırmızı şeytanlar” isə mundialla vidalaşıblar.
Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala yüksəliblər.
***
Qətərdə keçirilən dünya çempionatının F qrupunun III turunda Xorvatiya – Belçika matçında ikinci hissə başlayıb.
Qarşılaşmada hesab açılmayıb.
***
Qətərdə keçirilən dünya çempionatının F qrupunun III turunda Xorvatiya – Belçika matçında ilk hissə başa çatıb.
Qarşılaşmada hesab açılmayıb.
***
Qətərdə keçirilən dünya çempionatının F qrupunun III turunda Xorvatiya – Belçika matçı start götürüb.
Qarşılaşma saat 19:00-da başlayıb.
***
Qətərdə keçirilən dünya çempionatının F qrupunun III turunda üz-üzə gələcək Xorvatiya və Belçika yığmalarının start heyətləri bəlli olub.
Komandalar meydana aşağıdakı “11-liklər”lə çıxacaqlar:
Xorvatiya: Dominik Livakoviç, Yosip Yuranoviç, Deyan Lovren, Yosko Qvardiol, Borna Sosa, Luka Modriç, Marselo Brozoviç, Mateo Kovaçiç, İvan Perişiç, Marko Livaya, Andrey Kramariç
Belçika: Tibo Kurtua, Tobi Alderveyreld, Yan Vertongen, Timoti Kastan, Aksel Vitsel, Leander Dendonker, Yannik Karrasko, Kevin De Brüyne, Leandro Trossard, Dris Mertens, Toma Mönye
Qeyd edək ki, qarşılaşma Bakı vaxtı ilə saat 19:00-da başlayacaq.
