Bu gün Qətərdə təşkil olunan dünya çempionatının 1/8 final mərhələsinin daha 2 oyunu baş tutacaq.
Globalinfo.az bildirir ki, günün ilk matçında Fransa Polşa ilə üz-üzə gələcək. Oyun saat 19:00-da başlayacaq.
Digər matçda isə saat 23:00-da İngiltərə yığması Seneqalla qarşılaşacaq.
Qeyd edək ki, İngiltərə 1966-cı ildə, Fransa isə 1998 və 2018-ci ildə sözügedən mundialda qalib olub.
***
Qətərdə keçirilən dünya çempionatının 1/8 final oyununda üz-üzə gələcək Fransa və Polşa yığmalarının start heyətləri açıqlanıb.
Komandalar matça aşağıdakı “11-lik”lərlə başlayacaqlar:
Fransa: Uqo Loris (K), Jül Kunde, Dayo Upamekano, Rafael Varan, Teo Ernandes, Orelyen Çuameni, Adrien Rabyo, Antuan Qrizmann, Kilian Mbappe, Usman Dembele, Olivye Jiru
Polşa: Voytsex Şesnı, Bartoş Bereşinski, Kamil Qlik, Metti Keş, Pşemıslav Frankovski, Yakub Kivyor, Qjeqoj Krıxovyak, Robert Levandovski (K), Pyotr Zelinski, Sebastian Şimanski, Yakub Kaminski
***
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyunu başlayıb.
Qarşılaşma Bakı vaxtı ilə saat 19:00-da start götürüb.
***
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyununda ilk hissə başa çatıb.
Fransızlar fasiləyə minimal hesablı üstünlüklə yollanıb. Yeganə qolu 44-cü dəqiqədə Olivye Jiru vurub.
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyununda hesab açılıb.
Olivye Jiru 44-cü dəqiqədə Fransanı önə çıxarıb.
***
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyununda ikinci hissə başlayıb.
Hələlik Didey Deşamın baş məşqçi olduğu kollektiv hesabda öndədir – 1:0.
***
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyununda hesab dəyişib.
Kilian Mbappe 90+1-ci dəqiqədə özünün 2-ci, fransızların isə 3-cü qolunu vurub.
Qətərdə keçirilən dünya çempionatında Fransa və Polşa yığmaları arasında 1/8 final mərhələsinin oyununda 2-ci qol vurulub.
Kilian Mbappe 74-cü dəqiqədə fransızların üstünlüyünü artırıb.
***
Fransa millisi Qətərdə keçirilən dünya çempionatında 1/4 final mərhələsinə vəsiqə qazanıb.
Didye Deşamın rəhbərlik etdiyi kollektiv 1/8 finalda Polşa millisinə 3:1 hesabı ilə qalib gəlib.
Fransızlardan qolları 44-cü dəqiqədə Olivye Jiru, 74 və 90+1-ci dəqiqələrdə Kilian Mbappe vurub. Polşalıların təsəlli qoluna isə matçın əsas vaxtına əlavə olunmuş 9-cu dəqiqədə penaltidən Robert Levandovski imza atıb.
Fransa yığması növbəti mərhələdə İngiltərə – Seneqal görüşünün qalibi ilə qarşılaşacaq.
