Bu gün saat 17:00-dan etibarən Bakının mərkəzi hissəsinə yaxın ərazidəki Cavanşir körpüsünün söküntüsünə start verilib.
Globalinfo.az-ın əməkdaşı söküntü aparılan yerdə olub. Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli saytımıza deyib ki, artıq ərazidə hərəkət məhdudlaşdırılıb:
“Əraziyə xüsusi ağır texnikalar cəlb olunub və söküntü işləri həyata keçirilir. Ümumilikdə söküntü işləri və layihənin reallaşdırılmasının təqribən 4-5 aya tam olaraq yekunlaşdırılması planlaşdırılır. Aidiyyəti qurumlar tərəfindən layihənin reallaşdırılması razılaşdırılma mərhələsindədir. Bununla bağlı yaxın günlərdə ictimaiyyətə ətraflı məlumat veriləcək”.
Zaira Akifqızı
Globalinfo.az
