Azərbaycan Xarici İşlər Nazirliyi və Müdafiə Nazirliyinin birgə brifinqi zamanı 19 sentyabr lokal xarakterli antiterror tədbirlərini şərtləndirən amillərlə bağlı videogörüntülər diplomatik korpusun nümayəndələrinə nümayiş olunub.
Globalinfo.az APA-ya istinadən xəbər verir ki, həmin videolarda Qarabağdakı qanunsuz erməni silahlı birləşmələrinin mülki insanlara dronlardan istifadə qaydalarını öyrətməsi, Azərbaycanın mülki və hərbi infrastrukturunu necə hədəf aldıqları göstərilib.
XİN-in sözçüsü Ayxan Hacızadə bu faktların Azərbaycan ərazisində hücumların qarşısını almaq üçün antiterror tədbirlərinin vacibliyini bir daha göstərdiyini Azərbaycanda akkreditə olunmuş diplomatik korpusun nümayəndələrinin diqqətinə çatdırıb.
