Ommanın Vekan kəndi hər il Ramazan ayında diqqət çəkir. Bu kənddə oruc müddəti dünyanın hər yerindəkindən çox qısadır.
Globalinfo.az lent.az-a istinadən bildirir ki, dağlar arasında geniş vadidə yerləşən Vekan kəndinin camaatı günəşi cəmi 3 saat görə bildiklərinə görə özləri belə bir qayda tərtib ediblər.
Ramazan ayında oruc müddəti qısa olduğuna görə Ommanın başqa yerlərindən bura turistlər axın edib, yerli qaydalarla oruc tuturlar.
2 min sakini olan bu ərəb kəndində orucluğun bu qaydada tutulmasının düz olub-olmamasını demək çətindir, hər halda, burada belədir.
Dağlar arxasında qalan günəşi kənd camaatı səhər 11-də görür, 14.30-da günəş dağlar arxasında görünməz olur. Vekanlılar da günün doğuşunu- batışını belə qiymətləndirirlər.
