“Real Madrid” son dəqiqələrdə vurduğu qolla “Barselona”nı 3-2 məğlub edib.
***
Futbol üzrə İspaniya çempionatının 32-ci turu çərçivəsində “Real Madrid” və “Barselona” komandaları üz-üzə gələcək.
Bu prinsipial oyun ənənəvi olaraq bütün dünyada azarkeşlərin diqqətini cəlb edir.
La Liqa çərçivəsində 2024-cü ilin ilk “El Klassiko”su Madriddəki “Santyaqo Bernabeu” stadionunda baş tutacaq.
La Liqanın hesablamalarına görə, orta hesabla təxminən 650 milyon insan bu matçı televiziya və onlayn platformalarda izləyəcək. Oyun Bakı vaxtı ilə saat 23:00-da başlayacaq.
Bukmekerlərin proqnozlarına görə, Karlo Ançelottinin yetirmələri görüşün aşkar favoritləri hesab olunur: Bukmeker kontorları “Real Madrid”in qələbəsinə mərc etmək üçün 1,90 əmsal təklif edir. Bu, təxminən 53% ehtimaldır.
“Barselona”nın uğur nisbəti 4,06 (24%) olaraq qiymətləndirilir. Heç-heçəyə mərclər 4,11 (23%) səviyyəsində qəbul edilir.
Xatırladaq ki, ilk dövrədə “Real Madrid” 2:1 hesabı ilə qalib gəlib.
Qeyd edək ki, hazırda “Real” 78 xal toplayıb və İspaniya çempionatının turnir cədvəlində 31-ci turdan sonra liderdir. “Barselona” isə 70 xalla ikinci yerdədir. Madrid klubu qalib gəlsə, çempionluğa bir qədər də yaxınlaşacaq.
(Oxu.az)
