Türkiyə polisi İstanbulda keçirdiyi əməliyyat nəticəsində beynəlxalq narkotik kartelinin Qərbi Balkan qanadının liderlərindən birini saxlayıb.
Globalinfo.az Axar.az-a istinadən xəbər verir ki, bu barədə Türkiyə daxili işlər naziri Əli Yerliqaya X səhifəsində yazıb.
“İnterpol, bir sıra Avropa ölkələri və Braziliya tərəfindən axtarışda olan Xorvatiya vətəndaşı Kristian Paliç “Kartel 3” əməliyyatı çərçivəsində İstanbulun Beşiktaş rayonunda saxlanılıb. Onun daxil olduğu cinayətkar qruplaşma Cənubi Amerikadakı cinayət təşkilatları ilə əlaqələr qurub və Avropaya kokain tədarükündə və narkotik qaçaqmalçılığından əldə edilən pulların yuyulmasında mühüm rol oynayır”, – nazir bildirib.
