ABŞ Dövlət katibi Entoni Blinken və MAQATE-nin baş direktoru Rafael Qrossi Vyanada keçirilən görüşdə İranın nüvə proqramını müzakirə ediblər.
Globalinfo.az Axar.az-a istinadən xəbər verir ki, bu barədə ABŞ Dövlət Departamenti məlumat yayıb.
Görüşdə təhlükəsizlik və nüvə təminatları, o cümlədən İranın nüvə obyektlərində yarımçıq qalan yoxlama məsələləri ilə bağlı fikir mübadiləsi aparılıb.
Blinken və Qrossinin danışıqlarının təfərrüatları barədə əlavə məlumat verilməyib.
Qeyd edək ki, martın 4-də R.Qrossi agentliyin Qəyyumlar Şurasının Vyanada keçirilən iclasında İranın nüvə proqramı məsələlərinin həllində irəliləyiş əldə olunmadığını bildirmişdi.
