SOCAR-ın “Azəriqaz” İstehsalat Birliyinin Həmkarlar İttifaqı Komitəsinin təşkilatçılığı ilə Birlik əməkdaşlarının işğaldan azad olunan ərazilərə ekskursiyası baş tutub.
Globalinfo.az bildirir ki, səfər çərçivəsində Birliyin 47 nəfər əməkdaşı Ağdam Cümə Məscidi, Əsgəran Qalası, Xocalı şəhəri, Xankəndi şəhər gəzintisi, Cıdır düzü, Molla Pənah Vaqifin Məqbərəsi, Yuxarı Gövhər Ağa Məscidi, Güllələnmiş Büstlər, Şuşa Qalası və İsa bulağına baş çəkiblər.
Ekskursiya iştirakçıları işğaldan azad olunan ərazilərdə quruculuq, bərpa işləri ilə də yaxından tanış olublar.
İşğaldan azad olunan torpaqlarımıza təşkil olunan bu səfərə görə Birlik əməkdaşları “Azəriqaz” İB Həmkarlar İttifaqı Komitəsinə təşəkkür ediblər.
