Belçikanın paytaxtı Brüsseldə silahlı insident baş verib.
Globalinfo.az xəbər verir ki, hadisə Belçika və İsveç milli komandaları arasında futbol matçının keçirildiyi “Heysel” stadionundan təxminən 5 kilometr aralıda baş verib.
Belçikanın xarici işlər naziri Adca Labib Brüsseldə iki isveçli futbol azarkeşinin öldürülməsini terror aktı adlandırıb.
“Radikalizmlə mübarizə üçün bütün lazımi vasitələr səfərbər edilməlidir”, – o, “X” sosial şəbəkəsindəki (keçmiş “Twitter”) yazıb.
İlkin məlumatlara görə, insident nəticəsində iki İsveç vətəndaşı həlak olub.
İki isveçlini öldürən şəxs İŞİD terror qruplaşmasına aid olduğunu iddia edən video paylaşıb. Sosial şəbəkələrdə yayılan görüntülərdə o, “müsəlmanların qisasını almaq üçün” iki nəfəri güllələdiyini deyib.