Oktyabrın 29-da Bakıda Heydər Əliyev Mərkəzində Türkiyə Respublikasının yaranmasının 100-cü ildönümü münasibətilə rəsmi qəbul təşkil edilib.
Globalinfo.az xəbər verir ki, tədbirdə Milli Məclisin sədri Sahibə Qafarova, Türkiyənin Azərbaycandakı səfiri Cahit Bağçı, Milli Məclis sədrinin müavinləri və parlamentin deputatları, dövlət və hökumət nümayəndələri, xarici ölkələrin Azərbaycandakı səfirləri, ictimaiyyətin təmsilçiləri iştirak ediblər.
***
Türkiyə Cümhuriyyətinin yaradılışının 100-cü ildönümü münasibətilə Bakıda möhtəşəm tədbir keçirilir.
Globalinfo.az xəbər verir ki, rəsmi tədbir Türkiyənin Azərbaycandakı Böyük Elçiliyi tərəfindən Heydər Əliyev mərkəzində təşkil olunub. Rəsmi qəbulda Bakıda fəaliyyət göstərən diplomatik korpus nümayəndələri, rəsmi şəxslər, millət vəkilləri, siyasi partiya rəhbərləri, media təmsilçiləri, o cümlədən ictimai-siyasi sektorda fəaliyyət göstərən tanınmış şəxslər iştirak edir.
Cahit Bağçı
Tədbiri giriş sözü ilə Türkiyənin Azərbaycandakı səfiri Cahit Bağçı açdı. O, çıxışında Türkiyənin dünəni, bu günü və sabahı haqda danışdı. Azərbaycan-Türkiyə qardaşlığı barədə fikirlər söylədi.
Sahibə Qafarova
Azərbaycan dövləti adından isə Milli Məclisin sədri Sahibə Qafarova tədbirdə çıxış edib. S.Qafarova Türkiyə Cümhuriyyətinin 100-cü il dönümü ilə bağlı Prezident İlham Əliyevin təbriklərini çatdırdı. O, son 30 ildə Türkiyənin Azərbaycanla dostluq və qardaşlıq əlaqələrindən danışdı. MM sədri dedi ki, 44 günlük Vətən müharibəsində Türkiyə Azərbaycanı tək qoymadı. S.Qafarova müharibərən sonra Şuşa Bəyənnaməsinin imzalanmasını iki ölkə arasında dostluğu, qardaşlığı strateji müttəfiqlik səviyyəsinə qaldırdı.
