Bakıda qadınlar arasında keçirilən “Gücümüz cəsarətimizdədir!” adlı yürüşün açılış mərasimi olub.
Globalinfo.az “Report”a istinadən xəbər verir ki, tədbirdə Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva, Azərbaycan Həmkarlar İttifaqları Konfederasiyasının sədr müavini, Dövlət İdarələri və İctimai Xidmət İşçiləri Həmkarlar İttifaqlarının Respublika Komitəsinin sədri Hikmət Osmanov, gənclər və idman nazirinin müavini Mariana Vasilyeva, elm və təhsil nazirinin müavini Firudin Qurbanov və Milli Olimpiya Komitəsinin İdman şöbəsinin müdiri Həsənağa Rzayev də iştirak edirlər.
***13:58
Bakıda qızların cəmiyyətdə bərabərhüquqlu iştirakçılığının artırılması, qızlar arasında idmanın təşviqi və sağlam həyat tərzinin təbliği, onların asudə vaxtının səmərəli təşkili məqsədilə “Gücümüz cəsarətimizdədir!” adlı yürüş başlayıb.
Globalinfo.az xəbər verir ki, yürüşə Dənizkənarı Milli Parkın Azneft dairəsi hissəsindən start verilib.
Daha sonra Dənizkənarı Milli Parkda (Kukla Teatrının arxası) rəsmi açılış mərasimi keçiriləcək və ardınca 6 idman növü (cüdo, karate, gimnastika, basketbol, şahmat, futbol) üzrə federasiyaların təlimçi və idmançılarının ustad dərsləri baş tutacaq.
Aksiya Ailə, Qadın və Uşaq Problemləri üzrə Dövlət Komitəsi, Azərbaycan Mədəniyyət İşçiləri Həmkarlar İttifaqı Respublika Komitəsinin birgə təşkilatçılığı və idman federasiyalarının dəstəyi ilə keçirilir.
