“Azərbaycan tərəfindən Ermənistan sərhədini iddia edildiyi kimi iki deyil, bir hərbçi keçib”.
Globalinfo.az xəbər verir ki, bunu Ermənistan parlamentinin Milli Müdafiə və Təhlükəsizlik Məsələləri Komitəsinin sədri Andranik Köçəryan deyib.
O, hərbçinin Azərbaycana təhvil verməsi məsələsinə daha sonra baxılacağını bildirib:
“Tezliklə İstintaq Komitəsi ona qarşı hansı maddələrin irəli sürüləcəyini açıqlayacaq. Onun üzərində silah vardı, bu səbəbdən müxtəlif maddələrlə ittiham oluna bilər. Yalnız bundan sonra hərbçinin Azərbaycana qaytarılması üçün danışıqlar aparıla bilər. Çünki bizim də Azərbaycanda məhbuslarımız var. Sərhəddən keçmək üçün bir neçə yerdə boşluq var. Lakin əsas məsələ sərhədi keçən şəxsin o anda dərhal zərərsizləşdirilməsidir. Bu məsələdə diqqətli olmalıyıq”.
Ayşən Mustafa
Globalinfo.az