Azərbaycan Gürcüstanın Abxaziya bölgəsində keçirilən qondarma prezident seçkilərini tanımır.
Globalinfo.az xəbər verir ki, bu, barədə Xarici İşlər Nazirliyinin Gürcüstanın Abxaziya bölgəsində keçirilən qondarma “növbədənkənar prezident seçkiləri” ilə bağlı bəyanatında öz əksini tapıb.
Azərbaycan Respublikası Gürcüstanın suverenliyini və ərazi bütövlüyünü dəstəklədiyini bir daha təsdiqləyir və 15 fevral 2025-ci il tarixində Gürcüstanın Abxaziya bölgəsində keçirilmiş qondarma “növbədənkənar prezident seçkisi”ni, həmçinin onun nəticələrini tanımır.
Azərbaycan Abxaziya məsələsinin beynəlxalq hüququn norma və prinsiplərinə uyğun olaraq sülh yolu ilə həllinin tərəfdarıdır.”, – bəyanatda deyilir.
