Güləşçimiz Zəfər Əliyev Avropa çempionatında bürünc medal görüşünə çıxıb.
Globalinfo.az xəbər verir ki, 97 kq-da mübarizə aparan idmançı 3-cü yer uğrunda görüşdə slovakiyalı Adam Jaksiklə qarşılaşıb.
Rəqibinə 12:5 hesabı ilə qalib gələn Əliyev bürünc medal qazanıb.
***
Daha bir sərbəst güləşçimiz İspaniyanın Santyaqo de Kompostela şəhərində keçirilən U-20 Avropa çempionatında medal qazanıb.
Globalinfo.az xəbər verir ki, 79 kq-da çıxış edən Sadiq Mustafazadə 3-cü yer uğrunda görüşdə türkiyəli Bekir Öveclə qarşılaşıb.
Görüşdən 10:0 hesabı ilə qalib ayrılan Azərbaycan idmançısı bürünc medalın sahibi olub.
***
Sərbəst güləşçi Cavidan Əhmədov İspaniyanın Santyaqo de Kompostela şəhərində keçirilən U-20 Avropa çempionatında bürünc medal görüşünə çıxıb.
Globalinfo.az xəbər verir ki, 70 kq-da mübarizə aparan idmançı avstriyalı Muhamed Bektemirovla qarşılaşıb.
Rəqibini 10:9 hesabı ilə məğlub edən Əhmədov bürünc medal qazanıb.
***
Azərbaycanın sərbəst güləşçisi Ruslan Abdullayev İspaniyanın Santyaqo de Kompostela şəhərində keçirilən U-20 Avropa çempionatında qızıl medal qazanıb.
Globalinfo.az xəbər verir ki, 57 kq-da çıxış edən idmançı finalda moldovalı Anton Vlasla qarşılaşıb. Rəqibinə 10:0 hesabı ilə qalib gələn idmançı qitə çempionu olub.
Qeyd edək ki, bu gün həmçinin 70 kq-da Cavidan Əhmədov, 79 kq-da Sadiq Mustafazadə və 97 kq-da Zəfər Əliyev bürünc medal uğrunda görüşə çıxacaqlar.
