“Baltik ölkələrində, xüsusilə Litvada dron insidentlərinin artması Avropada müharibə təhlükəsini real edir”.
Globalinfo.az xəbər verir ki, bunu Polşanın Baş naziri Donald Tusk deyib.
O bildirib ki, Ukrayna müharibəsi müxtəlif vəziyyətlər yaradır və bu hadisələr bəzən qarışıqlıq doğurur.
Tuskun sözlərinə görə, son günlər Baltikyanı ölkələrə təhlükə siqnalları artır.
O vurğulayıb ki, Polşa vəziyyəti görür və reallığa göz yuma bilməz.
“Hazırda Polşaya birbaşa təhlükə yoxdur, amma təxribat riski artır”, – deyə D.Tusk əlavə edib.
Qeyd edək ki, mayın 20-də Litvada dron təhlükəsi səbəbindən insanlar sığınacaqlara gedib, məktəblər bağlanıb və nəqliyyat dayandırılıb.
Litva tərəfi bəzi insidentlərə görə Rusiyanı ittiham edib, Estoniyada da dronlarla bağlı şikayətlər olub.
Əliyar Xəlil
Globalinfo.az
Həmçinin oxuyun
