Astarada altıotaqlı ev yanaraq külə dönüb.
Globalinfo.az xəbər verir ki, bu barədə Fövqəladə Hallar Nazirliyindən (FHN) məlumat verilib.
Bildirilib ki, yanğın rayonun dağlıq ərazisində, Marzəsə kəndində baş verib, Maarif Mütəllim oğlu Babayevə məxsus fərdi yaşayış evi yanıb.
FHN Astara Rayon Yanğından Mühafizə Hissəsinin texnikaları yol olmadığından hadisə yerinə çata bilməyiblər. Nəticədə ikimərtəbəli 6 otaqlı yaşayış evi bütünlüklə yanıb.
Yanğının səbəbi araşdırılır.
