Ağstafa rayonunun Tatlı kəndində qaz sızması nəticəsində partlayış olub, biri uşaq olmaqla 6 nəfər xəsarət alıb.
Globalinfo.az-a daxil olan məlumata görə, Ağstafa rayonunun Yaradullu kəndi ərazisində yerləşən Dövlət Sərhəd Xidmətinin 2009 saylı Tatlı komendant postunun hərbiçilərinin ailələri üçün inşa olunan üçmərtəbəli yaşayış binasının 2-ci mərtəbəsində naməlum səbəbdən partlayış baş verib.
Nəticədə Cəlilabad rayon sakinləri 1980-ci il təvəllüdlü Rzayev Emin Eyvaz oğlu, 1985-ci il təvəllüdlü Rzayeva İradə Zakir qızı, 2009-cu il təvəllüdlü Rzayeva Səma Emin qızı, Şabran rayon sakini 2002-ci il təvəllüdlü İbrahimova Məryəm Ramin qızı, Qəbələ rayon sakinləri 1997-ci il təvəllüdlü Qasımlı Səidə Ramin qızı və 2021-ci il təvəllüdlü Qasımlı Atilla Məftun oğlu müxtəlif dərəcəli bədən xəsarətləri alıblar. Hazırda Ağstafa Rayon Mərkəzi Xəstəxanasında müalicələri davam etdirilir, vəziyyətləri orta-ağır olaraq qiymətləndirilir.
Zərərçəkənlər xəstəxanaya aparılıb, onlardan üçü ambulator yardım aldıqdan sonra evə buraxılıb.
Digərlərinin vəziyyəti isə ağır və orta-ağır qiymətləndirilir.
Faktla bağlı araşdırma aparılır.
***
Ağstafa rayonunun Tatlı kəndində qaz sızmasından partlayış baş verib.
Globalinfo.az xəbər verir ki, hadisə nəticəsində 2 nəfər xəsarət alıb.
Xəsarət alanlar xəstəxanaya yerləşdirilib. Onların vəziyyətinin kafi olduğu bildirilib.
Zaira Akifqızı