ABŞ-ın yeni Yaxın Şərq siyasətinin daha bir aspekti bəlli olub.
Globalinfo.az xəbər verir ki, radar sistemlərində ABŞ-ın Yaxın Şərqə misli görülməmiş şəkildə hərbi hava qüvvələrinin təyyarələrini göndərdiyi əks olunub.
Hazırlığın məqsədi hələ ki bəlli olmasa da, İran–İsrail gərginliyi fonunda diqqət çəkir.
***12:10
“ABŞ İran və İsrail arasında gərginləşən münaqişə fonunda vətəndaşlarının Yaxın Şərqi tərk etməsinə çalışır”.
Globalinfo.az xəbər verir ki, bunu ABŞ Prezidenti Donald Tramp deyib.
“Biz bunun üzərində işləyirik. Administrasiyamız əlindən gələni edir”, – deyə o, jurnalistlərin suallarını cavablandırarkən deyib.
Qeyd edək ki, iyunun 15-də Dövlət Departamenti ABŞ vətəndaşlarını təcili olaraq quru yolu ilə İranı tərk etməyə çağırıb.
İyunun 13-nə keçən gecə İsrail İrandakı nüvə və hərbi obyektlərə hücum edərək əməliyyata başlayıb. Hazırda tərəflər bir-birinə hücumlarını davam etdirir.
Əliyar Xəlil
Globalinfo.az
