“Səudiyyə Ərəbistanı ABŞ-dan təhlükəsizliyinə zəmanət qarşılığında İsraillə münasibətləri normallaşdırmaq istəyir”.
Globalinfo.az xəbər verir ki, bunu ABŞ Prezidenti Cozef Bayden deyib.
“Səudiyyəlilər zəng etmişdilər, onlar İsraili tanımaq istəyirlər”, – o bildirib.
Bayden Səudiyyənin bunun qarşılığında Fələstinlə bağlı şərt irəli sürüb-sürməməsi ilə bağlı məsələyə aydınlıq gətirməyib.
ABŞ Prezidenti həmçinin əlavə edib ki, Vaşinqton Səudiyyə Ərəbistanı üçün mülki nüvə obyekti yaradacaq. O bu obyektin ABŞ hərbçiləri tərəfindən istifadə olunacağını və Ər-Riyada yanacaqdan istifadəni azaltmağa kömək edəcəyini bildirib.
Əliyar Xəlil
Globalinfo.az
