İran xarici işlər naziri Abbas Araqçı sabah Ermənistana səfər edəcək.
Globalinfo.az APA-ya istinadla xəbər verir ki, bu barədə İran Xarici İşlər Nazirliyinin sözçüsü İsmayıl Bəqai jurnalistlərə açıqlamasında deyib.
Onun sözlərinə görə, İran XİN başçısının səfəri erməni həmkarının dəvəti əsasında baş tutacaq.
“Nazir İran İslam Respublikasının qonşuları ilə ikitərəfli əlaqələr və regional hadisələrlə bağlı davamlı məsləhətləşmələri çərçivəsində bazar ertəsi İrəvana səfər edəcək”, – deyə o bildirib.
Səfər çərçivəsində Araqçı Ermənistanın Baş naziri və digər rəsmi şəxslərlə görüşəcək.
“Görüşlərdə ikitərəfli əlaqələr və Cənubi Qafqaz regionunda baş verən proseslər müzakirə ediləcək”, – İran XİN rəsmisi qeyd edib.
Aysel Əliyeva
Globalinfo.az
