Rusiyadan ABŞ-a dizel yanacağı daşıyan ilk tankerin oktyabrın 22-də yola düşəcəyi gözlənilir.
Globalinfo.az xəbər verir ki, bunu Rusiya Baş nazirinin müavini Aleksandr Novak deyib.
Gəmi vasitəsilə 40 min ton yanacaq daşınacaq.
A.Novak bildirib ki, Moskva imkanları daxilində ABŞ-ın dizel yanacağına olan tələbatının ödənilməsinə töhfə verməyə hazırdır. Onun sözlərinə görə, yaxın vaxtlarda ABŞ-a əlavə tankerlərin də göndərilməsi planlaşdırılır.
Rusiya ilə ABŞ arasında yanacaq tədarükü məsələsi oktyabrın 9-da Donald Tramp və Vladimir Putin arasında baş tutan telefon danışığından sonra gündəmə gəlib. Həmin vaxt ABŞ Prezidenti Rusiyanın ölkəsinə və beynəlxalq bazarlara dizel yanacağı tədarük etməyə razılıq verdiyini açıqlamışdı.
Həmçinin oxuyun
