ABŞ Prezidenti Donald Tramp İranın Vaşinqtonla razılaşma əldə etməyə çox həvəsli olduğunu açıqlayıb. O, əlavə edib ki, özü belə bir perspektivə tamamilə açıqdır.
Globalinfo.az xəbər verir ki, Tramp bu açıqlamanı Ağ Evdə Səudiyyə Ərəbistanı vəliəhdi Məhəmməd bin Salmanla danışıqlara başlamazdan əvvəl jurnalistlərin suallarını cavablandırarkən verib.
“Düşünürəm ki, onlar razılaşma əldə etməyə çox həvəslidirlər. Mən buna tamamilə açığam. Biz onlarla danışırıq və prosesə başlayırıq. Artıq iki tərəf arasında ilkin təmaslar aparılır”, – Tramp vurğulayıb.
Əliyar Xəlil
