Rusiya Prezidenti Vladimir Putin və ABŞ Prezidenti Donald Tramp arasında keçiriləcək danışıqlar iki “samurayın hekayəsi”ni xatırladacaq.
Globalinfo.az xəbər verir ki, bu fikri Rusiya Dövlət Dumasının deputatı Andrey Kolesnik NEWS.ru-ya açıqlamasında bildirib.
“Deyirlər ki, Putin və Tramp Alyaskada sadəcə çay içib bir-birilərinə baxacaqlar. Bu, əslində çox vacibdir. Ağıllı insanlar söz demədən də anlayırlar. Bu, bir “samuray hekayəsi”dir — sadəcə baxışmaq və növbəti addımın nə olacağını dərk etmək ”, – deyə Kolesnik qeyd edib.
Deputat vurğulayıb ki, Rusiya lideri istənilən halda ölkəsinin maraqlarını qoruyacaq:
“Tramp biznesmendir, Putin isə “xüsusi xidmət orqanlarından çıxıb” və əvvəlcə Vətəni, sonra isə özünü düşünür”.
Əliyar Xəlil
