Almaniya Prezidenti Frank-Valter Ştaynmayer Azərbaycana səfəri ilə bağlı təəssüratlarını bölüşüb.
Globalinfo.az xəbər verir ki, bu barədə o, rəsmi instaqram hesabında paylaşım edib.
Almaniya prezidenti qonaqpərvərliyə görə Azərbaycana təşəkkürünü bildirib.
Ştaynmayer həmçinin Azərbaycan və Almaniyanın birinci xanımları Mehriban Əliyeva ilə Elke Büdenbender arasında baş tutan görüşü, Heydər Əliyev Mərkəzində məşhur Azərbaycan və alman bəstəkarlarının əsərlərindən ibarət konsert proqramını, İçərişəhərə səfərini paylaşımlarında xüsusilə qeyd edib.
