“İrəvan Ermənistan və Azərbaycan xarici işlər nazirlərinin Qazaxıstanda görüşünün təşkili ilə bağlı təklifi nəzərdən keçirir”.
Globalinfo.az xəbər verir ki, bunu Ermənistan XİN sözçüsü Ani Badalyan deyib.
O bildirib ki, görüşün tarixi barədə razılıq əldə olunan kimi ictimaiyyətə məlumat veriləcək:
“Ermənistan Cənubi Qafqazda davamlı sülhün əldə edilməsinə yönəlmiş vasitəçilik səylərini və ya danışıqlar platformalarını nəzərdən keçirir. İrəvan bunun tərəfdarıdır, fundamental prinsipləri və qarşılıqlı razılaşdırılmış sənədləri, o cümlədən 1991-ci il sənədlərini dəstəkləyir. Alma-Atı bəyannaməsi əsasında Ermənistan və Azərbaycan arasında bir-birinin ərazi bütövlüyünün tanınması və delimitasiyası prosesi gedir”.
Xatırladaq ki, Bakı xarici işlər nazirləri arasında Qazaxıstanda görüşün keçirilməsinə razılıq verib.
Ayşən Mustafa
Globalinfo.az
