Bu gün səhər saatlarından etibarən paytaxtın bir sıra yollarında sıxlıq və tıxac müşahidə edilir.
Globalinfo.az “Qafqazinfo”ya istinadən xəbər verir ki, ən böyük tıxac Xətai rayonu ərazisində – 8 Noyabr prospektində müşahidə olunur.
Belə ki, prospektə çıxan yollarda və prospektin əsas hərəkət zolaqlarında 1 saat yarımdan artıqdır nəqliyyatın hərəkəti dayanıb.
Nəticədə avtobuslarda olan yüzlərlə sərnişin nəqliyyat vasitələrini tərk edərək piyada getmək məcburiyyətində qalıb, avtomobillərin sürücüləri isə maşınları tərk edərək yolun açılacağı vaxtı gözləyir.
***09:44
8 Noyabr prospektində hərəkətə məhdudiyyət tətbiq edilib.
Globalinfo.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi (NİİM) məlumat yayıb.
Qeyd edilib ki, Xətai rayonu, 8 Noyabr prospekti və Ramiz Quliyev küçəsinin kəsişməsi, mərkəz istiqamətində aidiyyəti dövlət qurumu tərəfindən təmir işləri aparılır.
Bu səbəbdən qeyd edilən istiqamətdə avtomobillərin hərəkətinə qısa müddətli məhdudiyyət tətbiq edilib.
