İran və Rusiya sabah Oman dənizində və Şimali Hind Okeanında təlimlər keçirəcək.
Globalinfo.az xəbər verir ki, bu barədə “Mehr” nəşri məlumat yayıb.
Bildirilir ki, bu təlimlər Hörmüz boğazında İslam İnqilabı Keşikçiləri Korpusu tərəfindən hərbi təlimlərdən bir neçə gün sonra baş tutacaq.
Qeyd edək ki, ötən gün İran Hörmüz boğazını bağlayıb. Tehran bunu hərbi təlimlərlə əlaqələndirsə də, qərarın ABŞ-la gərginlik fonunda verilməsi diqqət çəkir. Bildirilir ki, İran ABŞ-ın hərbi və siyasi təzyiqlərinə qarşı Hörmüzü bağlamaq rıçağından istifadə edir.
Safura Bənnayeva
Globalinfo.az
