Rusiyanın QRU kimi tanınan Baş Kəşfiyyat İdarəsində ikinci şəxs sayılan general Moskvada güllələnərək yaralanıb.
Globalinfo.az xəbər verir ki, bu barədə Rusiya İstintaq Komitəsi məlumat yayıb.
Bildirilir ki, 6 fevralda hələlik şəxsiyyəti müəyyən edilməmiş şəxs general-leytenanta atəş açaraq hadisə yerindən qaçıb.
Hadisə sui-qəsd kimi dəyərləndirilir. Komitə silahlıların hadisə yerindən qaçdığını bildirir.
General Moskva xəstəxanalarından birinə yerləşdirilib, onun vəziyyəti barədə məlumat verilməyib.
Alekseyev QRU-nun komandan müavinidir. Müdafiə Nazirliyinin bu kəşfiyyat qurumu diversiya, sui-qəsd, casusluq və kiberhücumlar ilə ad çıxarıb.
Safura Bənnayeva
Globalinfo.az
