Azərbaycanda bir sıra dövlət qurumlarının rəsmi internet saytlarına girişdə problem yaranıb.
Globalinfo.az Oxu.Az-a istinadla xəbər verir ki, hazırda Dövlət Statistika Komitəsinin, Müdafiə Nazirliyinin, Səhiyyə Nazirliyinin və digər dövlət qurumlarının internet resurslarına giriş mümkün deyil.
Problemin səbəbi və nə vaxt aradan qaldırılacağı barədə hələlik məlumat yoxdur.
Xatırladaq ki, oktyabrın 14-də də eyni hal təkrar olunmuşdu və Xüsusi Rabitə və İnformasiya Təhlükəsizliyi Dövlət Xidmətindən dövlət informasiya infrastrukturlarına qarşı intensiv kiberhücumların olduğu bildirilmişdi.
