Ukraynanın sabiq müdafiə naziri Mixaylo Fedorov Prezident Volodimir Zelenskinin ona təklif etdiyi hərbi innovasiyalar üzrə baş nazirin müavini vəzifəsindən imtina edib.
Globalinfo.az xəbər verir ki, bu barədə o, jurnalistlərə müsahibəsində bildirib:
“Prezidentin mənə təqdim etdiyi bütün təkliflərə görə minnətdaram. Ancaq bu gün dövlətdə cəbhədə döyüşən hərbçilərdən başqa, müharibənin gedişinə real təsir göstərən cəmi üç vəzifə var: prezident, müdafiə naziri və Silahlı Qüvvələrin baş komandanı. Məhz buna görə də müdafiə naziri postundan başqa heç bir vəzifəni qəbul etməyəcəm”, – Fedorov bildirib.
Onun sözlərinə görə, komandası 2026-cı ildə Müdafiə Nazirliyinə müharibənin başa çatdırılmasına yönələn konkret fəaliyyət planı ilə gəlib. Bu plan hava məkanının etibarlı müdafiəsini təmin etməyi, cəbhədə düşmənin irəliləyişini dayandırmağı və Rusiyanın iqtisadi potensialına zərbələr endirməyi nəzərdə tuturdu.
Fedorov bildirib ki, müdafiə naziri kimi fəaliyyət göstərdiyi altı ay ərzində həmin planı ardıcıl şəkildə həyata keçirib. Ukrayna son illərdə ilk dəfə münaqişədə təşəbbüsü öz əlinə almağa başlayıb. Sabiq nazir hesab edir ki, əldə olunan nəticələr Rusiyanı sülh danışıqlarına razı salmaq üçün yeni imkanlar yaradıb.
Əliyar Xəlil
Həmçinin oxuyun
